A emigración galega a finais do século XX. Europa. (Suíza)

Uxía xa estaba máis tranquila, o pai de seu avó volvera onda el e a súa nai. Seguro que o seu pai tamén volvería pronto.

Foi entonces cando o avó de Uxía lle contou que cando o seu fillo (o pai de Uxía) era pequeno, el tamén tivera que emigrar.

Uxía sorprendeuse moito e preguntoulle se marchara só, se tamén fora en barco para América.

O seu avó sorriu e contestoulle:

-          Non Uxía, marchamos túa avoa máis eu. E non marchamos en barco cara América senón que collemos un tren e fomos para Suíza.

Uxía preguntoulle si seu pai marchara canda eles. Seu avó díxolle que non, que el quedara aquí cos avós pero que o viñan visitar polo menos unha vez o ano e que el tamén ía alá.

Uxía estaba moi sorprendida con todo o que lle estaba contando o seu avó.

-          E estivestes moito tempo alá?

-          Uns 12 anos, cando construímos esta casa e xuntamos un pouco de diñeiro regresamos.

Os primeiros galegos chegaron a Suíza no final da década dos 50 para abastecer ás fábricas do cantón alemán nas que a produción non cesaba. Europa estaba en reconstrución tas a Segunda Guerra Mundial e as fábricas suízas (que quedaran intactas) mantiñan un alto ritmo industrial.

Os galegos embarcaban en longas viaxes en tren, fuxindo dalgún modo da situación de España nesa época, marcada polo franquismo e a pobre situación económica,  e chegaban a Suíza pola fronteira de Xenebra. Iso si, sempre coa idea de volver, antes ou despois, á súa terra galega.

Este novo lugar ó que emigrar, foi un grande choque para os galegos xa que tras saír dun país onde aínda se sufrían as consecuencias da guerra chegaron a un país moi avanzado en todos os aspectos. Presenciaron o primeiro mundo de verdade.

Os galegos encontraban facilmente traballo na industria e na construción. Os centros galegos foron e son fontes para encontrar traballo e lugares de reunión. Desde este punto de vista parece que emigrar era fácil aínda que ós galegos custáballes integrarse debido á barreira idiomática.

A finais da década dos anos 60, os novos emigrantes galegos chegaron ó cantón francés para ocupar empregos do sector turístico. Este fluxo de emigrantes galegos cara Suíza mantívose constante ata finais da década dos 80.

Nesta época hai que ter en conta que os fillos de galegos nacidos en Suíza están totalmente integrados, naceron e creceron nese país e a cotío, cando seus país retornan a Galicia, eles non o fan. E os que o fan encóntranse inadaptados e infravalorados xa que non se aprecia abondo a súa formación e o seu coñecemento de idiomas.

Para saber máis:

• -          http://www.swissinfo.ch/spa/especiales/el_retorno_de_los_emigrantes_espanoles/Un_exodo_masivo_mas_alla_de_la_version_oficial.html?cid=29302518

• -          http://www.laviajeraempedernida.com/2011/07/14/%C2%A1-quiero-emigrar-a-suiza-para-jugar-al-ajedrez/